Read More

BRAZIL KUMEKUCHA KOMBE LA DUNIA.

Kombe la dunia la mwaka 2014, linatarajiwa kufanyika kuanzia tarehe 12 Juni hadi Julai kumi na tatu.

Itakuwa mara ya 20 kwa kinyang’anyiro hicho kuandaliwa huku ikiwa mara ya kwanza kufanyika nchini Brazil tangu mwaka 1950 wakati wenyeji waliposhindwa na Uruguay kwenye fainali.

Ijumaa hii mbivu na mbichi itajulikana na itakuwa itakuwa wakati wa kujua nani atacheza na nani katika kundi gani droo zitakapofanyika.Itakuwa mara ya 20 kwa kinyang’anyiro hicho kuandaliwa huku ikiwa mara ya kwanza kufanyika nchini Brazil tangu mwaka 1950 wakati wenyeji waliposhindwa na Uruguay kwenye fainali.

Droo yenyewe itafanyika kuanzia saa moja jioni saa za Afrika Mashariki Ijumaa tarehe sita.

Itafanyika mjini Costa do Sauipe mkoani Bahia, umbali wa maili 56 kutoka mjini Salvador, mji utakaokuwa mwenyeji wa kombe hilo.

Wakati wa droo kutakuwa makundi manne

La kwanza likiwa na timu hizi: Brazil, Spain, Argentina, Belgium, Colombia, Germany, Switzerland, Uruguay.

Kundi la pili: Ivory Coast, Ghana, Algeria, Nigeria, Cameroon, Chile, Ecuador.

Kundi la tatu: Japan, Iran, South Korea, Australia, United States, Mexico, Costa Rica, Honduras.

Kundi la nne: Bosnia-Hercegovina, Croatia, England, Greece, Italy, Netherlands, Portugal, Russia, France.

Watakaofanya droo ni mchezaji wa zamani wa England Sir Geoff Hurst, Zinedine Zidane wa Ufaransa, Cafu wa Brazil na Fabio Cannavaro wa Italia.

Timu 32 zilizofuzu zitawekwa katika makundi manane kila kikundi kikiwa na timu nne.

Read More

Muungano wa vyama pinzani nchini

Unadhani muungano huu utaleta mabadiliko katika taifa letu?

Read More

PICHA ZA MAZISHI YA MSANII LANGA KILEO

Read More

BETTY NA BOLT WANASWA TENA WAKIVUNJA AMRI YA SITA NDANI YA JUMBA LA BIG BROTHER

Mu Ethiopia Betty na mu Sierra Leon Bolt wameanikwa  tena  na  camera  za  Jumba  la  big  Brother  wakivunja  amri  ya  sita.

Hii  ni  mara  ya  pili  kwa  washiriki  hao  kutenda  tendo  hilo la  aibu  ndani  ya  kamera  hizo  

Read More

BOMU LALIPUKA NA KUUA KATIKA MKUTANO WA CHADEMA HUKO ARUSHA LEO

.Hazi ni baadhi ya maiti

Hizi ni damu za wahanga

 

 Watu saba wamejeruhiwa kwa mlipuko unaohisiwa kuwa ni bomu,mara baada ya mkutano wa Chama Cha Demokrasia na Maendeleo (CHADEMA) uliokuwa ukifanyika katikaViwanja vya Soweto Mjini Arusha. 

imeripotiwa kuwa watu wawili wamefariki dunia papo hapo, tunaelekea wapi Tanzania

Read More

Alichoandika Ommy Dimpoz kuhusu hili gazeti kwamba amemtukana Marehemu Ngwea.

.

.

Read More

NAPE: PUUZENI VITISHO VYA CHADEMA, JITOKEZENI KUPIGA KURA KWA WINGI

Adai kesho ulinzi upo wa kutosha.
Awapongeza Arusha kuitosa Chadema.   

Atamba  CCM kuzoa kata zote.  

Awasihi wananchi kujitokeza kwa wingi kupiga kura kesho.

Katibu wa Itikadi na Uenezi wa CCM Ndg.Nape Nnauye amewataka wananchi kwenye kata zinazofanya uchaguzi mdogo kesho kupuuza alivyoviita vitimbi vya Chadema na wafuasi wao badala yake wajitokeze kwa wingi kushiriki kwenye upigaji wa kura kwa amani na utulivu.

Nape ameyasema hayo jijini Arusha jana wakati alipokuwa anajibu maswali ya waandishi wa habari waliotaka kujua tathimini ya kampeni na jinsi CCM ilivyojipanga kwenye uchaguzi mdogo katika kata mbalimbali nchini.

Nape alisema kwa ujumla wake kampeni zimekwenda vizuri karibu katika kila kata ukiacha matukio kadhaa machache ya vurugu ambayo alidai yamekuwa yakiratibiwa na Chadema na wafuasi wao baada ya kuvuta bangi na kunywesha vijana wao viroba.

“nimekuwa Arusha kwa siku mbili tatu, hakuna mashaka kuwa Arusha wamechoshwa na vurugu za Chadema , baada ya kuhangaishwa kwa miaka mitatu na vurugu za Chadema wameamua sasa kurudisha utulivu na heshima ya jiji la Arusha, hivyo nawapongeza sana” alisema Nape.

” ni kweli hata mie nimesikia wenzetu baada ya kuona maji ya shingo wameamua kutumia vitisho kujaribu kutisha watu hasa kina mama na wazee wasiende kupiga kura, lakini nawahakikishia CCM tumejipanga kuwalinda waende kupiga kura kwa amani na utulivu. Isitoshe taarifa tulizoziapata zinaonyesha serikali imejipanga vizuri sana kulinda amani na utulivu, hivyo tunawaomba wananchi wajitokeze kwa wingi kupiga kura bila hofu” alisisitiza Nape.

Aidha Nape alidai kwa taarifa walizonazo wanamatumaini kuwa kata zote 25 zinazofanya uchaguzi mdogo CCM itashinda kwani wanaamini kuwa wananchi wana imani kubwa na CCM na kuwa vitimbi vinavyofanywa na wapinzani nchini vimewachefua sana wananchi.

Itakumbukwa kuwa chaguzi ndogo nchini zinafanyika kwenye kata 25 kufuatia kata hizo kuwa wazi kutokana na sababu mbalimbali zikiwemo vifo na baadhi kuhama au kufukuzwa vyama vyao vya siasa.

Ushindani mkubwa ulitegemewa sana jijini Arusha ambapo kuna kata nne zinafanya ucahguzi mdogo kufuatia Chadema kuwafukuza madiwani wake. Hata hivyo hali jijini Arusha inaonyesha Chadema kulemewa sana kiasi cha kuwa na uwezekano wa kupoteza kata zote ambazo walikuwa wakizimiliki mwanzoni.

Read More

PICHA ZA SHOW YA LADY JAYDEE NYUMBANI LOUNGE.... WATU WALIJAA MPAKA WAKAANZA KUBEBANA

Mwanadada Judith Mbibo aka Lady Jaydee usiku wa kuamkia Jumamosi ya June 15 amefanikiwa kuweka historia kwenye muziki wa Tanzania kwa kulijaza eneo zima la Nyumbani Lounge alipokuwa akifanya show yake ya kuadhimisha miaka 13 tangu aanze muziki. 

Katika show hiyo, Lady Jaydee amesindikizwa na wasanii mbalimbali wakiwemo Juma Nature, Sugu, Profesa Jay, Wakazi, Grace Matata na wengine. Pia Jaydee ameitumia siku hiyo kuzindua albam yake mpya, Nothing But The Truth na kusherehekea siku yake ya kuzaliwa. Hizi ni picha za show hiyo.

Umati wa watu unaoshuhudia show ya Lady J Dee sasa hivi hapa Nyumbani Longe.

Lady J Dee anatoa burudani ya kutosha kwa mashabiki.

Professa Jay akiwa back stage anajiandaa kupanda jukwaani kutoa burudani nzuri kwa mashabiki

 

Miaka 13 ya Lady j Dee#sasa hivi ndiyo Mh.Joseph Mbilinyi a.k.a Sugu ameingia

Lady J Dee anatoa burudani ya kutosha kwa mashabiki.

Lady J Dee anatoa burudani ya kutosha kwa mashabiki.

Team Times Fm 100.5 (Dj Jors Bless,Ndimbo na Mariam)

Sugu na Mkoloni wanatoa burudani kali kwa mashabiki.

Mama mzazi wa Lady J Dee naye amekuja kushuhudia show ya mwanae.

Juma Nature anatoa burudani kwa mashabiki

Sugu akitoa burudani kali kwa mashabiki

M 2 The P akiongea machache baada ya kukaribishwa kwenye jukwaa na Juma Nature.

Read More

SAFARI YA RAISI WA MAREKANI BARACK OBAMA YAHAIRISHWA..

Ikulu ya White House ya Marekani imekatiza safari ya Rais Obama na mkewe Michelle ya kutembelea mbuga ya wanaya ya mikumi iliyopo Tanzania kutokana na ukata unaoikabili serikali yake. Imeelezwa katika gazeti la Washington Post jana.

Gazeti hilo ambalo lilinukuu mipango ya siri ya safari hiyo imesema kuwa safari ya Obama na mkewe ambayo ilikuwa ifanyike baadaye mwezi huu, ingehitaji majasusi wa kumlinda rais huyo kwa njia za kipekee zaidi kuhakikisha usalama wake na mkewe.

Safari ya Rais katika mbuga za wanyama inahitaji ulinzi wa hali ya juu, silaha za hali ya juu kama siper rifles ambazo zitaweza kulenga wanyama wakali kama cheetahs, (duma, samba au wanyama wengine kama ikitokea wanataka kumsogelea au kumdhuru rais huyo.

(The safari "would have required the president's special counterassault team to carry sniper rifles with high-caliber rounds that could neutralize cheetahs, lions or other animals if they became a threat," the paper reported.)

Ikulu ya Marekani imefuta ziara hiyo ambayo rais Obama alikuwa atembelee mikumi national park kwa masaa mawili.
Hata hivyo msemaji wa Ikulu ya Marekani hakupatikana mara moja kutoa maelezo. Msemaji mwingine alisema ziara ya kutembelea Robben Island ambamo Mzee Mandela alikuwa amefungwa kwa miaka 27 ilikuwa ikipewa kipaumbele zaidi dhidi ya safari ya tanzania.

"Sababu kubwa za kufutwa kwa ziara hiyo ni kwa sababu ya ya kuwa na upungufu wa bajeti na vifaa vya kumlinda Obama katika mission yake hiyo, hivyo ikaonekana ni rahisi zaidi kutembelea Robben Island kuliko Mikumi National Park. "Alisema msemaji huyo Josh Earnest na kuongeza kuwa "ni ngumu kufanya safari zote hizo kwa pamoja."

Hii ilikuwa ni ziara ya kitalii ya kwanza kwa Rais Obama tangia amechaguliwa January 2009, safari ambayo ingeligarimu Taifa hilo kati ya dola milioni 60 hadi 100.

Mamia ya askari wa siri (secret agents) wanatakiwa kupelekwa katika sehemu ambazo Obama atatembelea pamoja na manuari ya kivita yenye kubeba ndege za kivita (Navy aircraft carrier or amphibious ship) ikiwa na wahudumu pamoja na wauguzi maalum ambao watakaa ufukweni kwa dharura yeyote itakayojitokeza.

Pamoja na hayo magari zaidi ya 56 yatapelewa kwenye nchi hizo tatu kwa njia ya ndege pamoja na vioo maalum vya kuzuia risasi (sheets of bulletproof glass) ambavyo vitazungushiwa kwenye hoteli ambayo atafikia Obama.

Kama vile ulinzi huo hautoshi, pia kuta kuwa na ndege za kivita zitakazokuwa zinazunguka katika anga ambalo Obama atakuwa amefikia na hizo ndege zitakuwa zinazunguka angani hapo kwa masaa 24 kwa kupeana zamu ("Fighter jets will fly in shifts, giving 24-hour coverage over the president's airspace")

Read More

"WASANII TUTAZIDI KUPUKUTIKA MAANA TUNAROGANA SANA..NATAMANI KUACHA MUZIKI ILI NIYANUSURU MAISHA YANGU"....SHILOLE

MSANII wa filamu na muziki Bongo, Zuwena Mohamed ‘Shilole’ amefunguka kuwa, suala la wasanii wa muziki kurogana linamuumiza kichwa kiasi cha kufikiria kuachana na kazi hiyo. Akiongea na mwandishi wetu pasipo kuwataja  wabaya  wake, Shilole alisema hivi sasa ‘kesi’ za wasanii kurogana zimeshika kasi kuliko siku za nyuma na anashindwa kuelewa ni kwa nini watu wanamuasi Mungu kwa kuendekeza ushirikina.“Kwa staili hii wasanii tutazidi kupukutika, kuna wakati huwa nafikiria hata kuachana na muziki maana tunarogana na namuomba Mungu usiku na mchana hata kabla ya kupanda stejini kwani hali ni tete,” alisema Shilole....

Read More

OMMY DIMPOZ AMTANDIKA TUSI MAREHEMU NGWEA....ANADAI KUWA HAWEZI KUFA MASIKINI KAMA NGWEA NA AMECHOKA KUZIKA MASIKINI

KWELI asiye na adabu hakosi sababu ya kuharibu, mwenye mdomo mchafu ni ada yake kutoa neno chafu, mwanamuziki chipukizi, Omar Faraji Nyembo ‘Ommy Dimpoz’, amedhihirisha kuwa ana kiwango cha juu sana cha dharau kwa kumdhihaki na kumtusi mtu aliyetangulia mbele za haki.

Omar Faraji Nyembo ‘Ommy Dimpoz’.

Utamaduni wetu Tanzania na kama ilivyo kwa mafundisho ya dini kupitia vitabu vinne vitakatifu, Torati, Zaburi, Injili na Kuran, fundisho ni kwamba mja aliyepoteza maisha hakashifiwi, hasimangwi, hahukumiwi, isipokuwa huhifadhiwa kwa heshima kisha kuombewa salama na amani mbele ya Mungu.

Ommy Dimpoz, kijana ambaye ni mwaka jana tu alikuwa ‘anawanga’ huku na huko mikono nyuma akiomba msaada wa kimuziki, hivi sasa anajiona ameota meno ya juu kuweza kung’ata, kiburi hicho kimempa uthubutu wa kumtusi Mfalme wa Freestyle, marehemu Albert Kenneth Mangwea ‘Ngwair’.

Thamani ya Ngwair na namna alivyozikwa kwa heshima hajaviona, badala yake akatusi kuwa Mfalme wa Freestyle alikufa maskini ndiyo maana mazishi yake yalikuwa ya kuungaunga michango ya wadau.

Kifo cha Ngwair, kilivuta makundi mbalimbali kushiriki kwa hali na mali kuchangia na kumzika, taifa lilizizima mkoa kwa mkoa, mguso huo wa kitaifa aliokuwa nao mwanamuziki huyo, Ommy hakuuona, isipokuwa akanena: “Sitaki kufa maskini kama Ngwair.”

Marehemu Albert Kenneth Mangwea ‘Ngwair’.

Akimweleza mwandishi wetu kwa nyakati tofauti, Juni 10 (Jumatatu) na Juni 11, mwaka huu (Jumanne), Ommy alidhihaki hata ushiriki wa wanamuziki waliosimamisha shughuli zao kwa muda kisha kuungana na kushikamana kuhakikisha Ngwair anazikwa kwa heshima.
 

“Sitaki nikifa yatokee kama ya Ngwair, amekufa Afrika Kusini, hata kuusafirisha mwili kuuleta Tanzania imebidi mpaka watu wachangie, ile ni aibu sana,” alisema Ommy kwa dharau.

Kutokana na uzito wa maneno ambayo Ommy aliyatamka kuhusu Ngwair, siku iliyofuata (Jumanne), mwandishi wetu alimpigia simu kumuuliza kama maelezo hayo ya kashfa aliyatoa akiwa amelewa au la?

Ommy kwa kujiamini, alijibu kwamba alichokisema kuhusu Ngwair ni ukweli kwa asilimia 100.

MWANDISHI: Nakushauri kama mdogo wangu, siku nyingine usirudie kutamka maneno hayo ni mabaya sana kwa mtu aliyekufa.

OMMY: Sijaongea neno baya, nimesema ukweli wasanii hatutakiwi kufa maskini.

MWANDISHI: Wewe unaona mtu akichangiwa baada ya kufa ndiyo kipimo cha umaskini?

OMMY: Kuna mambo mengi ambayo yangefanyika kabla ya kuchangiwa lakini Ngwair alishindwa kuyafanya.

MWANDISHI: Sasa Ngwair angefanya nini wakati yeye ameshakufa?

OMMY: Kuna mambo yangefanyika, mfano kusafirisha mwili kutoka Afrika Kusini.

MWANDISHI: Sasa Ngwair angejisafirisha mwenyewe?

OMMY: Nachosema mimi ni kwamba wasanii hatutakiwi kufa maskini.

MWANDISHI: Sikiliza Ommy, hata mabilionea wakubwa huwa wanachangiwa. Mtu kuchangiwa siyo kashfa wala aibu kama unavyotaka kulionesha tukio la Ngwair. Marehemu Steven Kanumba alikuwa anatembelea Toyota Lexus V8, mbona alipokufa kila kitu alifanyiwa? Ni jambo la kawaida.
 

OMMY: Ngwair alikuwa na ‘stresi’ za maisha ndiyo maana alikuwa anakula unga.
 

MWANDISHI: Ulishawahi kumwona Ngwair akitumia unga?
 

OMMY: Kwanza nakusikia unanirekodi, sijui una malengo gani.


MANENO YA KASHFA MLIMANI CITY
Juni 8, mwaka huu, katika Ukumbi wa Mlimani City, Dar es Salaam, wakati wa utoaji wa Tuzo za Kilimanjaro Tanzania Music Awards (KTMA)  mwaka 2012-2013, Ommy Dimpoz alizungumza maneno ya kashfa ambayo moja kwa moja yalitafsiriwa ni dongo kwa Ngwair.
 

Baada ya kutangazwa mshindi wa kipengele cha Video Bora ya Mwaka na kukabidhiwa tuzo yake, Ommy alibwabwaja: “Jamani tumechoka kuzika wasanii maskini wenye majina makubwa.”

Japo hakutaja jina la yule aliyekuwa anamzungumzia, tafsiri ya wengi ni kwamba Ommy alikuwa anamzungumzia Ngwair kwa sababu ndiye staa aliyekuwa amezikwa kishindo cha siku moja tu kabla ya usiku huo wa tuzo. Ngwair alizikwa Alhamisi, tuzo Jumamosi.
 

“Huyu dogo ana nyodo sana, sasa haya ni maneno gani ya kuzungumza? Hapa anamzungumzia Ngwair, ila anapaswa kujua kwamba yeye bado msanii mdogo sana kumlinganisha na Ngwair,” alisema mtangazaji mmoja kwa masikitiko.

MAPOZI NI KAWAIDA YAKE, ATIMULIWA KIGOMA ALL STARS
 

Ndani ya Kampuni ya Kigoma All Stars, awali Ommy alikuwa mmoja wa wajumbe kwenye bodi ya wakurugenzi lakini hivi karibuni alitimuliwa na nafasi yake kuchukuliwa na Peter Msechu.
 

Chanzo chetu makini ndani ya Kigoma All Stars, kimetonya kuwa Ommy alionesha tabia mbaya dhidi ya wasanii wenzake wanaounda kampuni hiyo, hivyo hakukuwa na jinsi zaidi ya kumtimua ujumbe wa bodi na kumuweka Msechu.
 

“Alikuwa ameshakuwa kero. Unajua pale Kigoma All Stars wote ni mastaa lakini yeye anajiona yupo juu ya wote. Tunaitisha vikao hatokei, tunakwenda kufanya shoo hatokei, tunamuona hana umoja na sisi na hatufai.
 

“Uamuzi wa kwanza ulikuwa ni kumtimua kabisa ili asiwepo kabisa kwenye kampuni yetu, maana siyo lazima kila mtu mwenye asili ya Kigoma awepo Kigoma All Stars. Baadaye kwa busara za mlezi wa kampuni yetu, Zitto Kabwe ndiyo tukamuondoa kwenye bodi.

“Tumembakiza kwenye kampuni kama mwanahisa wa kawaida tukiwa tunampima. Akiendelea kuleta mapozi yake, hatutamvumilia, tutamfukuza moja kwa moja,” kilisema chanzo chetu.
 

Chanzo hicho kiliongeza, ndani ya Kigoma All Stars kuna wasanii wakubwa kama Nasibu Abdul ‘Diamond’, Ali Kiba, Mwasiti Almasi, Sunday Mangu ‘Linex’, Banana Zorro na wengineo lakini hawaringi, isipokuwa Ommy ndiye fungakazi kwa maringo.

Zitto ambaye ni Mbunge wa Kigoma Kaskazini (Chadema), vilevile Waziri Kivuli wa Fedha na Naibu Kiongozi wa Kambi ya Upinzani Bungeni, alipoulizwa kuhusu Ommy kutimuliwa kwenye bodi, alikiri hilo kufanyika.
 

“Ni kweli kuna mabadiliko kwenye bodi, wanamuziki wenyewe kwa sababu ndiyo wanahisa, waliamua kumuondoa Ommy Dimpoz na nafasi yake akawekwa Peter Msechu,” alisema Zitto.
 

Kuhusu kutimuliwa kwenye bodi Kigoma All Stars, Ommy hakutaka kuzungumza chochote, badala yake alijikanyagakanyaga.

OMMY NA NYIMBO TATU
Ommy anajiita super handsome, mapozi, kampuni yake anaiitwa Pozi Kwa Pozi, majina hayo yanatosha kueleza sababu kwa nini amemdhihaki Ngwair na haelewani na wasanii wenzake.
 

Ndiyo kwanza ana nyimbo tatu tu, Nai Nai (alisaidiwa sana na Ali Kiba), Baadaye na Me & You (amesaidiwa sana na Vanessa Mdee) lakini amekuwa wa migogoro na mbwembwe nyingi dhidi ya wasanii wenzake.
 

Alishawahi kurushiana maneno kwenye vyombo vya habari na mwanamuziki Cyril Kamikaze, baadaye akaingia kwenye gogoro zito na mwana Hip Hop wa Nako 2 Nako Soldier, Isaac Waziri Makuto ‘Lord Eyez’.
 

Kuhusu Lord Eyez ambaye ni memba wa Familia ya Weusi, alidai alimuibia taa, power windows, vioo na vifaa vingine vya gari lake lakini kesi ilipofika mahakamani, Ommy hakwenda kutoa ushahidi.
 

Ommy alishindwa kutoa ushahidi lakini kabla yake alitangaza katika vyombo vya habari kuwa Lord Eyez ni mwizi na kwamba alimwibia vifaa vya gari lake, zaidi ya hapo alikusanya watu wakampa kipigo memba huyo wa Weusi kisha wakampeleka polisi ambako aliwekwa lupango.

Credit: GPL

Read More

MAREHEMU LANGA KUZIKWA JUMATATU ALASIRI

kwa mujibu wa taarifa kutoka katika familia ya marehemu Langa Kileo, mazishi ya msanii huyo yatafanyika siku ya jumatau katika makaburi ya Kinondoni, mwili wa Marehemu utaagwa kuanzia saa saba mchana huko mikocheni nyumbani kwa wazazi wake Langa karibu kabisa na Hospitali ya AAR.

Read More

MAJINA NA KAMBI ZA JESHI WALIKOPANGIWA WANAFUNZI WA KIDATO CHA SITA 2013...TAREHE YA KURIPOTI NI 24 MWEZI HUU

MAJINA NA KAMBI ZA JESHI WALIKOPANGIWA WANAFUNZI WA KIDATO CHA SITA 2013...TAREHE YA KURIPOTI NI 24 MWEZI HUU

MAJINA NA KAMBI ZA JESHI WALIKOPANGIWA WANAFUNZI WA KIDATO CHA SITA 2013...TAREHE YA KURIPOTI NI 24 MWEZI HUU

TANGAZO

MKUU WA JKT MEJA JENERALI RAPHAEL MUHUGA ANAWAITA VIJANA 10,849 WALIOHITIMU KIDATO CHA SITA MWAKA 2013 KUJIUNGA NA JKT KWA MUJIBU WA SHERIA KAMA IFUATAVYO:-

1. VIJANA WOTE WALIOHITIMU KIDATO CHA SITA WALIOPATA DIVISION I NA DIVISION II.

2. VIJANA WOTE WALIOHITIMU KIDATO CHA SITA WALIOSOMA MASOMO YA MCHEPUO WA SAYANSI NA KUPATA DIVISION III.

3. VIJANA HAO WANATAKIWA KURIPOTI KATIKA MAKAMBI YA JKT TAREHE 24 JUNI 2013 BILA KUKOSA. AMBAYE HATARIPOTI ATACHUKULIWA HATUA ZA KISHERIA.

4. TANGAZO HILI HALIWAHUSU VIJANA WOTE WALIOHITIMU KIDATO CHA SITA 2013 KATIKA SHULE ZA SEKONDARI ZA UNGUJA NA PEMBA. AIDHA, SHULE 27 AMBAZO VIJANA WAKE WAMEHITIMU MAFUNZO YA JKT AWAMU YA KWANZA HAZIHUSIKI.

5. VIJANA HAO WATUNZE TIKETI ZAO KWA AJILI YA KUREJESHEWA NAULI WATAKAZOTUMIA MARA TU WATAKAPORIPOTI VIKOSINI.

6. TAARIFA ZAIDI ZITATOLEWA KWENYE MAGAZETI MBALIMBALI YA HAPA NCHINI.

Zifuatazo  ni  selection  za  kambi  walikopangiwa
 

KWENDA BULOMBORA JKT -KIGOMA

KWENDA KANEMBWA JKT - KIBONDO-KIGOMA

KWENDA MARAMBA JKT - TANGA

KWENDA MGAMBO JKT KABUKU-TANGA

KWENDA MLALE JKT SONGEA -RUVUMA

KWENDA MSANGE JKT -TABORA

KWENDA RUVU JKT - PWANI

KWENDA RWAMKOMA JKT - MUSOMA-MARA

Read More

"NAFIKIRIA KUAHIRISHA SHOW YANGU ILA SI KWA KUMUOGOPA MWANAMKE"...MWANA FA

"NAFIKIRIA KUAHIRISHA SHOW YANGU ILA SI KWA KUMUOGOPA MWANAMKE"...MWANA FA

MSANII wa muziki wa kizazi kipya nchini Tanzania Mwana FA anafikiria kuahirisha shoo yake ya kesho kufuatia kifo cha msanii mwenzake wa kizazi kipya Langa Kileo, kilichotokea leo  jijini Dar es Salaam.  

Mwana FA anafikiria kuahirisha shoo yake ya kesho iliyopangwa kufanyika katika viwanja vya Makumbusho ya Taifa jijini Dar es Salaam na tayari ameanza kuwasiliana na meneja wake kwa ajili ya hatua hiyo.

Hii itakuwa ni mara ya pili kwa Mwana FA kuahirisha shoo yake, awali ilipaswa kufanyika Mei 31 mwaka huu lakini ikaahirishwa kutokana na kifo cha aliyekuwa msanii mwenzake wa Bongo Fleva Albert Mangwea.

Hata hivyo Mwana FA ametoa tahadhara ya kejeri juu ya hatua hiyo huku akimtupia madongo mhasimu wake mkubwa Mwanadada Lady Jay Dee...

Katika taarifa yake aliyoitupia katika mtandao wa kijamii wa Facebook Mwana FA amesema kwamba:

7 minutes ago via mobile · Like Mwana FA Halisi : "Msiba wa mwana HIPHOP mwenzetu Langa unanifanya nifikirie kuahirisha show ya kesho. Nawasiliana na manager wangu kisha nitawajuza ,but si kwa kumuogopa mwanamke,Let it be clear" 

Read More

POST ZA MWISHO ZA FACEBOOK NA TWITTER NA VIDEO YA MWISHO YA MAREHEMU LANGA KILEO

POST ZA MWISHO ZA FACEBOOK NA TWITTER NA VIDEO YA MWISHO YA MAREHEMU LANGA KILEO

Ikiwa ni siku chache baada ya kuondokewa na mpendwa wetu Albert Mangwea, tasinia ya Muziki wa kizazi kipya imepata pigo jingine  kubwa kwa kuondokewa na msanii wa Hip Hop anaejulikana kwa jina la Langa Kileo.

 Langa  amefariki dunia  akiwa  katika  hospitali ya  Taifa  ya  Muhimbili  baada ya  kulazwa  jana  akisumbuliwa  na  malaria  kali

Zifuatazo  ni post za mwisho za facebook na twitter pamoja na video yake mpya ya marehemu Langa

Read More

JINAMIZI LAENDELEA KUTANDA KWA WASANII WA HAPA NCHINI KWETU

Aminiel Aligaesha ambae ni Afisa Uhusiano wa hospitali ya Taifa Muhimbili amethibitisha kwamba msanii Langa amefariki dunia June 13 2013 saa kumi na moja jioni baada ya kufikishwa hospitalini hapo toka juzi jioni ambapo kutokana na sababu za kimaadili kwenye tiba, Muhimbili hospitali hawawezi kusema rapper huyu alikua anaumwa nini bali ndugu ndio wenye mamlaka ya kufanya hivyo.

Kwenye maelezo aliyoyatoa kwa millardayo,  Aminiel amesema Marehemu Langa alipokelewa kwenye idara ya wagonjwa wa magonjwa ya dharura usiku wa kuamkia jana na kupatiwa huduma ambapo leo June 13 2013 ndio alihamishiwa kwenye chumba cha wagonjwa Mahututi na baadae kufariki dunia.
            

Read More

MSHANA JUNIOR: MSIBA WA MANGWEAH WAIBUA MAMBO

MSIBA WA MANGWEAH WAIBUA MAMBO:  Hatimaye wale maasimum wa kubwa ambao kila mara wamekuwa wakitupia maneno ya kejeli na dharahu katika nyimbo za Bongo Flava walikutana ka...

Read More

JIFUNZE VIPENGELE MBALIMBALI VYA RASIMU YA KATIBA MPYA

              Ndugu zangu kuanzia leo na ksiku zijazo natarajia kuwaletea vipengele mbalimbali vya rasimu ya katiba mpya na kuvitolewa uchambuzi ili mpate kujifunza.
Kwa kuanza leo nitaanza na ibara ya75. Mtu atakuwa na sifa ya kuchaguliwa kushika nafasi ya
‐ 30 ‐
            Madaraka ya Rais wa Jamhuri ya Muungano ikiwa:
(a) ni raia wa kuzaliwa wa Jamhuri ya Muungano kwa mujibu wa
Katiba hii na sheria za nchi;
(b) ni mwenye akili timamu;
(c) angalau mmoja kati ya wazazi wake ni raia wa kuzaliwa wa
Jamhuri ya Muungano;
(d) wakati wa kugombea, ana umri usiopungua miaka arobaini;
(e) anazo sifa za kumwezesha kuwa Mbunge wa Bunge la Jamhuri
ya Muungano kwa mujibu wa Katiba hii;
(f) anayo angalau shahada ya kwanza ya chuo kikuu
kinachotambuliwa kwa mujibu wa sheria za nchi;
(g) ni mwanachama na mgombea aliyependekezwa na chama cha
siasa au mgombea huru;
(h) sera zake au sera za chama chake si za mrengo wa kuligawa
Taifa kwa misingi ya ukabila, udini, rangi au jinsia;
(i) ni mwadilifu na anafuata maadili ya Taifa.
   
           Kipengele F cha ibara hii ya 75 kinachoelezea sifa za RAISI kinasema ni lazima mgombea awe amehitimu SHAHADA ya kwanza katika chuo kinachotambulika na serikali.Kwa hatua hii nawapongeza sana serikali na tume ya mabadiliko ya katiba kwani Elimu ya mgombea wa uraisi ni swala muhimu sana katika kutathmini weledi na uwezo wa kiutendaji wa mtu.

                

Read More

Read More

Watanzania tujifunze kusoma vitabu mbalimbali

              Ndugu zangu watanzania,hivi sasa tunakabiliwa na changamoto nyingi sana ambazo mi nadhani tunahitaji kupata suluhisho lake.Lakini kupata suluhisho ni jambo gumu sana hasa ukizingatia tunakabiliwa na tatizo la uchambuzi na upembuzi wa mambo kutokana na ukosefu wa elimu ya kutosha kwa watanzania walio wengi.
              Lakini watu wengi wanadhani kuwa na elumu ni lazma ufike chuo kikuu, sio kweli,unaweza kufika chuo kikuu lakini bado ukawa hujaelimika.
Sasa kutokana na tatizo hili nimeona katika blog hii nianze kuweka vitabu mbalimbali kmf;vya siasa,uchumi na vya kijamii ili kwa mwenye uwezo aweze kuvisoma ili akuze uelewa wake.
             Hivyo nawasihi ndugu zangu mtembelee blog hii ili muweze kuelimika.

Read More

HOTUBA YA MHESHIMIWA RAIS JAKAYA MRISHO KIKWETE KATIKA UFUNGUZI RASMI WA JENGO LA KITIVO CHA SAYANSI KATIKA CHUO KIKUU CHA WAISLAMU CHA MOROGORO (MUM), TAREHE 14 MACHI, 2013, MOROGORO

Mzee Kitwana Suleiman Kondo, Mwenyekiti wa Taasisi ya Maendeleo ya Waislamu (MDF);

Mheshimiwa Joel Bendera, Mkuu wa Mkoa wa Morogoro;

Mama Mwantumu Malale, Mkuu wa Chuo Kikuu cha Waislamu cha Morogoro;

Profesa Hamza Mustafa Njozi, Makamu Mkuu wa Chuo Kikuu cha Waislamu cha Morogoro;

Viongozi mbalimbali wa Serikali, vyama vya siasa na Jumuiya mliohudhuria;

Wageni waalikwa;

Mabibi na Mabwana;

Niruhusuni niungane na wenzangu walionitangulia kumshukuru Mwenyezi Mungu, mwingi wa rehma, kwa kutujaalia uzima na kutuwezesha kukutana hapa. Nakushukuru sana Mama Mwantumu Malale, Mkuu wa Chuo Kikuu cha Waislamu cha Morogoro na viongozi wenzako kwa kunialika kuja kujumuika nanyi katika siku hii adhimu ya ufunguzi wa jengo la Kitivo cha Sayansi katika Chuo Kikuu cha Waislamu cha Morogoro. Mmenipa heshima kubwa ya kuwa sehemu ya historia ya Chuo hiki. Kwa kweli, nimefarijika sana kuona Chuo chetu kinazidi kupata mafanikio ya kutia moyo hasa ukizingatia ukweli kwamba kina muda mfupi tu tangu kuanzishwa kwake.

Ndugu Mkuu wa Chuo;

Natoa pongezi nyingi kwako, Makamu Mkuu wa Chuo na wale wote walioshiriki kubuni wazo la kuwa na jengo la Kitivo cha Sayansi na kufanikisha ujenzi wake. Juhudi zao na moyo wao wa kupenda maendeleo ndio umetufanya sisi kujumuika hapa leo kushuhudia mafanikio haya. Hakika ni jambo la kujivunia. Pia, nawapongeza sana Wajenzi na Mhandisi Mshauri kwa kazi nzuri waliyofanya ya ujenzi wa jengo hili. Sote tunaliona jengo lilivyojengwa vizuri na kwa namna yake linapendezesha mandhari ya Chuo.

Kwa namna ya pekee napenda kwa niaba yenu nitoe shukrani zangu za moyoni kwa taasisi ya Al-Barakah kwa kufadhili ujenzi wa jengo hili. Asanteni sana kwa ukarimu wenu na upendo mkubwa mliouonesha kwa nchi yetu na watu wake. Naomba taasisi nyingine na watu binafsi waige mfano huu mzuri wa kusaidia miradi mbalimbali inayonufaisha jamii. Tukumbuke ule msemo wa wahenga kuwa “kutoa ni moyo, usambe si utajiri”.

Ndugu Mkuu wa Chuo;

Mabibi na Mabwana;

Kwa miaka mingi madhehebu ya dini na mashirika ya dini yamekuwa washirika muhimu sana wa Serikali katika kusukuma mbele gurudumu la maendeleo ya nchi yetu. Yamekuwa yanajihusisha na kutoa huduma kwa jamii kama vile afya, elimu na nyinginezo. Kwa ajili hiyo watu wengi sana nchini wamenufaika na wanaendelea kunufaika na huduma zinazotolewa na mashirika ya dini.

Kwa miaka mingi mashirika na taasisi za madhehebu ya dini ya Kikristo ndiyo yaliyokuwa yakionekana kutoa huduma hizo. Kwa upande wa Waislamu, ukiacha Mtandao wa Maendeleo wa Aga Khan, mchango umekuwa mdogo sana. Ni jambo la faraja kubwa kuona Taasisi ya Maendeleo ya Waislamu (MDF) ikionyesha njia. Kwa kumiliki na kuendesha Chuo Kikuu cha Waislamu cha Morogoro kwa ufanisi, MDF inatoa mchango muhimu katika kuendeleza elimu ya juu na maendeleo nchini. Idadi kubwa ya wanafunzi waliofuzu masomo yao na waliopo katika Chuo hiki tangu kilipoanzishwa mwaka 2005 ni ushahidi tosha wa kazi nzuri inayofanywa na MDF. Hongereni sana. Tunawaombea kwa Mola mpate mafanikio makubwa zaidi miaka ya usoni kwa upande wa elimu na huduma nyingine muhimu.

Ndugu Mkuu wa Chuo;

Katika kipindi cha miaka saba sasa, Serikali yetu imeongeza sana uwekezaji katika upanuzi wa elimu tangu ya awali hadi elimu ya juu. Tumeamua kufanya hivyo kwa sababu vijana wengi waliokuwa wanastahili kupata elimu ya awali, msingi, sekondari, ufundi na elimu ya juu walikuwa hawapati. Tanzania ni kubwa kuliko Kenya na Uganda kwa eneo na idadi ya watu lakini ndiyo tuliokuwa na idadi ndogo ya wanafunzi kwa ngazi zote hizo. Kwa mfano, mwaka 2005 idadi ya wanafunzi waliokuwa Chuo Kikuu nchini Kenya ilikuwa108,407, Uganda 88,360 na kwa baadhi ya nchi za SADC kama vile Afrika Kusini idadi hiyo ilikuwa 717,973. Wakati wenzetu wakiwa na idadi hiyo, sisi tulikuwa na wanafunzi 40,719 tu katika vyuo vikuu nchini. Hali ilikuwa hivyo pia kwa elimu ya sekondari. Kenya ilikuwa na wanafunzi 925,341, Uganda 619,519 na Afrika Kusini 4,186,882 wakati Tanzania ilikuwa na wanafunzi 524,325 tu waliokuwa katika shule za sekondari.

Tuliona hali hii haikubaliki hivyo tukaamua hatuwezi kuiacha iendelee. Tukaamua kudhibiti. Tukachukua hatua tulizochukua za kupanua elimu katika ngazi zote. Matokeo ya uamuzi huo ni kwamba vijana wanaopata fursa ya kupata elimu katika ngazi zote wamekuwa wengi kuliko wakati mwingine wo wote katika historia ya nchi yetu, tumewafikia na kuwapita majirani zetu. Kazi kubwa tunayoendelea nayo sasa ni kuwekeza katika kuimarisha ubora wa elimu waipatayo vijana wetu kwa kuongeza walimu, vifaa vya kufundishia, vitabu na huduma nyinginezo. Inshallah hata kwa dhamira yetu, hii njema Mola atatuwezesha. Mwanzo mgumu lakini hatma itakuwa nzuri.

Ndugu Mkuu wa Chuo;

Kufuatia juhudi hizo, idadi ya wanafunzi waliopo kwenye vyuo vikuu nchini imeongezeka sana, kutoka wanafunzi 40,719 mwaka 2005 hadi wanafunzi 166,484 mwaka 2012. Kwa upande wa sekondari mwaka 2011 tulikuwa na wanafunzi milioni 1.79 na wenzetu wa Kenya walikuwa na wanafunzi milioni 1.77. Haya ni mafanikio makubwa.

Serikali itaendelea kuwekeza kwenye upanuzi wa fursa za elimu na ubora wake. Hata hivyo ushiriki wa wadau wengine kuunga mkono juhudi za serikali ni jambo muhimu sana. Tumeweka mazingira mazuri kwa wadau hao kufanya hivyo na mafanikio yanaonekana wazi. Kama nilivyokwishasema awali, mashirika ya dini yamekuwa wadau wa kutumainiwa na mchango wao uko wazi. Unajieleza wenyewe. Kwa mfano, katika vyuo vikuu 49 vilivyopo nchini, vinavyomilikiwa na umma ni 14 tu. Vyuo vikuu 24 vinamilikiwa na mashirika ya dini na 11 na sekta binafsi.





Ndugu Mkuu wa Chuo;

Serikali inatambua na kuthamini mchango mkubwa na muhimu unaotolewa na vyuo vikuu vinavyomilikiwa na mashirika ya dini na sekta binafsi. Ninyi mmekuwa washirika wazuri na wa uhakika katika kusukuma mbele gurudumu la maendeleo ya elimu katika nchi yetu. Napenda kuwahakikishia kuwa Serikali itaendelea kuwaunga mkono na kushirikiana nanyi ili kuwawezesha vijana na Watanzania wengi zaidi waweze kupata elimu. Uamuzi wa kufanya utaratibu wa mikopo kwa wanafunzi wa elimu ya juu uhusishe wanafunzi wa vyuo visivyokuwa vya umma ni moja ya mambo mengi muhimu yanayofanywa na Serikali kuthibitisha usemi wangu huo.

Tulipoingia madarakani mwaka 2005 tulifanya mambo mawili muhimu kuhusu mikopo kwa wanafunzi wa elimu ya juu. Kwanza uamuzi kwamba, mikopo itolewe kwa wanafunzi wa vyuo vikuu vya umma na vile visivyokuwa vya serikali. Kabla ya hapo ilihusu vyuo vya umma pekee. Pili kwamba, kila mwaka tuongeze fedha zinazotengwa kwa ajili ya Mfuko huo ili idadi ya wanafunzi wanaonufaika iongezeke. Tulikuta Mfuko ukiwa na shillingi billioni 56.1 unanufaisha wanafunzi 16,345 mwaka 2005. Tukaongeza kila mwaka na katika mwaka huu wa fedha (2012/13) tumetenga shillingi bilioni 345 zinazowanufaisha wanafunzi 98,772.

Tutaendelea kuongeza fedha katika Mfuko huo ili wanafunzi wengi zaidi wanufaike na hata ifikie siku moja tuweze kuwakopesha wote bila ya kujali sifa ya uwezo wa wazazi au walezi kulipa ada. Kwa kasi tuliyonayo na kwa jinsi tunavyozidi kufanikiwa katika kukusanya mapato ya serikali, naamini miaka michache ijayo tunaweza kufikia lengo hilo. Nawasihi Bodi ya Mikopo iwekeze katika kuimarisha uwezo wa kuwafuatilia waliokopeshwa kulipa mikopo waliyopewa. Matamanio yangu ni kuwa fedha zilizotolewa zizunguke ili tupunguze kiasi kinachotolewa na bajeti ya serikali kila mwaka.

Ndugu Mkuu wa Chuo;

Mabibi na Mabwana;

Niruhusuni nitumie nafasi hii kukupongeza wewe Mkuu wa Chuo, Makamu Mkuu wa Chuo, Wahadhiri na Jumuiya nzima ya Chuo Kikuu hiki kwa kazi kubwa na nzuri muifanyayo ya kuendeleza na kuboresha Chuo. Tumeshuhudia ujenzi wa jengo nililolifungua leo. Tumeona mafanikio kwa upande wa ongezeko la idadi ya wanafunzi, walimu, wafanyakazi na fani zinazofundishwa katika kipindi hiki kifupi cha uhai wa Chuo hiki.

Nimefurahishwa na kufarijika sana kusikia kuwa ubora wa elimu inayotolewa hapa chuoni ni jambo linalopewa kipaumbele cha kwanza. Jambo hili ni muhimu sana kulisisitiza kwani tunataka wahitimu wa Chuo hiki wafanane na wahitimu wa Chuo chochote kizuri nchini na hata duniani. Ningependa kuona wahitimu wa Chuo hiki wanagombewa katika soko la ajira. Hili ni jambo linalowezekana. Kinachotakiwa ni uamuzi wa Baraza na Seneti kuwa iwe hivyo na kuchukua hatua zipasazo. Sina shaka kuwa mnaweza kufanya hivyo. Hakika mnaweza, na sote kwa umoja wetu tunaweza.

Ndugu Mkuu wa Chuo;

Nimefurahi sana, pia, kusikia kuwa Chuo kinatoa mafunzo ya ualimu. Bila ya shaka mnaelewa kwa nini nafurahi. Tuna uhaba mkubwa wa walimu nchini hivyo Chuo cho chote kinachotoa mafunzo ya ualimu hunifurahisha. Endeleeni kuimarisha mafunzo hayo ili Chuo chenu kitambulike na kukubalika nchini kwa sifa ya kutoa walimu wazuri. Walimu wa kutoka Chuo hiki wawe wale wanaojua vyema masomo wanayofundisha, mahiri kufundisha na waadilifu. Naomba pia mtoe kipaumbele cha juu kwa mafunzo ya ualimu wa masomo ya sayansi na hisabati. Mkifanya hivyo, mtakuwa mnatoa mchango mkubwa katika jitihada za kupunguza uhaba wa walimu wa masomo hayo nchini. Naamini kitendo cha kuzindua Jengo la Kitivo cha Sayansi, kilichofanyika muda mfupi uliopita kinatoa matumaini ya Chuo Kikuu cha Waislamu cha Morogoro kuchangia katika jitihada za kupunguza pengo la walimu wa sayansi nchini.

Ndugu Mkuu wa Chuo;

Nimewasikia mkieleza kwa ufasaha changamoto kubwa na ndogo ambazo Chuo inakabiliana nazo. Nawapongeza kwa dhati, wewe na viongozi wenzako kwa ubunifu wenu na hatua mnazochukua kuzikabili changamoto hizo. Nawaahidi msaada na ushirikiano wangu na wa serikali kwa yale yaliyoko kwenye uwezo wangu na wa serikali katika kutafuta ufumbuzi kwa changamoto zinazowakabili.

Nawapongeza kwa uamuzi wenu wa kutafuta vyuo vikuu rafiki vilivyoko katika nchi mbalimbali duniani mnavyoweza kushirikiana navyo. Endeleeni kufanya hivyo kwani vyuo vikuu vingi duniani hufanya hivyo. Hamtakuwa wa kwanza na wala hamtakuwa mnafanya jambo la kustaajabisha. Mnaweza, mkipenda, kuwaomba Mabalozi wetu waliopo katika nchi mbalimbali duniani wawasaidie. Ni wajibu wao kufanya hivyo kwani kusaidia kusukuma maendeleo ya hapa nchini kutoka huko waliko ndilo jukumu lao la msingi. Vile vile, nimefurahishwa na mipango yenu ya baadaye ya kuwa na matawi katika mikoa mbalimbali nchini. Hongereni kwa uamuzi wenu wa busara. Lazima Chuo kitanuke kwa maana ya kuwa kikubwa zaidi, makao makuu na kwa kuwa na vyuo vishiriki na shule au vitivo sehemu mbalimbali nchini.

Ndugu Mkuu wa Chuo;

Kazi iliyo mbele yenu ni kubwa, hivyo ni vyema kuweka mikakati mizuri na mipango thabiti ya utekelezaji na ufuatiliaji wa dhamira yenu hiyo njema. Rai yangu kwenu ni kuwaomba muwe wabunifu zaidi hasa katika kutafuta vyanzo vingine vya mapato vitakavyosaidia Chuo kujiendesha bila kutegemea ada peke yake. Chuo kiangalie uwezekano wa kufanya shughuli zitakazowaingizia mapato kama vile kufanya shughuli za kutoa ushauri. Pia muangalie uwezekano wa kuwekeza wenyewe kwenye miradi ya kiuchumi au kwa kushirikiana na wawekezaji katika baadhi ya maeneo.

Kuhusu nafasi mbili za ufadhili nilizopewa na Chuo kikuu cha Tun Abdul Razak cha Malaysia, nitafuatilia kujua kilichoendelea na kinachoendelea. Je, nafasi hizo bado zipo? Zikiwepo, nitawasiliana na wahusika waangalie uwezekano wa kuwapeni. Kama zimeshagawiwa basi tusubiri safari ijayo. Kwa masuala ya ardhi na maombi mengine nimeyasikia, yaleteni tuangalie namna ya kusaidiana.

Ndugu Makamu Mkuu wa Chuo, na

Wafanyakazi wote wa Chuo cha Waislamu cha Morogoro;

Napenda kuwakumbusha kuwa mnayo dhamana kubwa na wajibu mkubwa na wa kihistoria. Ule ukweli kwamba ni mara ya kwanza kwa Taasisi ya Waislamu wazawa kuwa na Chuo Kikuu inawapeni wajibu maalum wa kuhakikisha Chuo kinafanikiwa. Ni mtihani na changamoto ya aina yake kuthibitisha kuwa Waislamu nao wanaweza kuwa na Chuo kizuri na chenye kutoa elimu ya ubora wa hali ya juu. Kwa sababu hiyo hamna budi kuhakikisha kuwa mna mipango mizuri ya kujenga Chuo cha hadhi na ubora wa hali ya juu. Ihakikishwe kuwa mipango hiyo inatekelezwa kwa ukamilifu.

Aidha jumuiya yote inao wajibu wa kufanya kazi kwa bidii, ubunifu, maarifa na weledi ili dhima hiyo ya Chuo iweze kutimizwa kwa ukamilifu. Timizeni wajibu wenu ipasavyo ili jina la Chuo Kikuu cha Waislamu cha Morogoro likue haraka. Sifa yake isambae na kuvuma kote nchini. Chuo kifanye vizuri ili wanafunzi waone fahari kuwa wahitimu wa Chuo hiki. Chuo ambacho, wazazi wapende kuleta vijana wao kuja kusoma hapa. Kwa jinsi Mkuu wa Chuo alivyoeleza, mimi nina imani mnaweza, fanyeni kweli.





Ndugu Wanafunzi wa Chuo cha Waislamu cha Morogoro;

Naomba wote muone fahari ya kuwa wanafunzi katika Chuo cha kihistoria hapa nchini. Nawasihi mjitume kwa kadri ya uwezo na vipaji mlivyopewa na Mwenyezi Mungu mfanikishe kile kilichowaleta. Jifunzeni kwa bidii mfaulu vizuri ili mkihitimu muwe kielelezo kizuri cha mafanikio na ubora wa Chuo Kikuu Cha Waislamu cha Morogoro. Muwe Mabalozi na kioo cha ufanisi wa Chuo hiki. Nawasihi mjiepushe na mambo yatakayowapunguzia muda au kuwaondoa katika shughuli ya msingi iliyowaleta hapa ya kujifunza mpate digrii katika fani mliyochagua mwenyewe kuisomea. Vishawishi ni vingi na wapo watu wengi wanaopanga kuwashawishi mtumie muda wenu adhimu kufanya wanayoyataka wao ambayo mkishiriki huwatoa kwenye malengo na kutekeleza yao. Mambo ya dunia ya nje ya Chuo ni mengi huna budi kutambua lipi ufanye na lipi usifanye na kwa wakati gani!

Mwanafunzi wa Chuo Kikuu ni mtu mzima, si mtoto. Lazima ujue kuwa unawajibika kwa kila unaloamua na kutenda. Amua kuwajibika vizuri. Fikiri kabla ya kutenda, changanua lipi ni lipi kabla ya kufanya uamuzi wa kile unachotaka kufanya. Wakati wote uongozwe na busara na hekima na siyo jazba na ushabiki wa matakwa ya kundi. Kama ni jema fanya na kama si jema usifanye. Kwanza tambua wewe ni nani na uko hapa kwa ajili gani. Lazima ujue kuwa hatma ya yote uko peke yako. Utafaulu au kufeli wewe. Utapata shahada wewe na si mtu mwingine. Hakuna ubia wa kufaulu au kufeli au kiwango cha kufaulu. It will always remain personal. Katika masomo unanufaika wewe. Shirikiana na wengi lakini usisahau kujali maslahi yako. Maslahi ya wengi yasiyojumuisha yako, yahoji vizuri kabla ya kuamua kushiriki au kufanya. Vinginevyo labda kama umeamua kujitoa muhanga, uwe shujaa. Hata kwa hilo, sijui utakuwa shujaa wa nani.

Mabibi na Mabwana;

Kabla ya kumaliza napenda kutambua na kumshukuru Rais wa Awamu ya Tatu, Mheshimiwa Benjamin Mkapa na viongozi wa MDF kwa juhudi zao za pamoja zilizowezesha Chuo hiki kuwepo. Nitakuwa mchoyo wa fadhila nisipowashukuru wananchi wanaokizunguka Chuo kwa ujirani mwema na wakazi wa Morogoro kwa ujumla kwa kukipokea vizuri na kuishi na wanajumuiya wa Chuo hiki kwa upendo mkubwa. Naomba muendelee na moyo na ushirikiano huo.

Baada ya kusema hayo, nawashukuru sana kwa kunialika. Nawatakia kila la heri na mafanikio tele.

Asanteni sana kwa kunisikiliza.

Read More

Majibu yangu kwa Mhariri wa gazeti la Raia Mwema-Joseph Mihangwa

                       Habari ndugu JOSEPH MIHANGWA?Mimi ni miongoni mwa wadau wakubwa wa makala zako katika gazeti la RAIA MWEMA zinazoitwa NASAHA ZA MIHANGWA.Katika nakala ya gazeti hili ya tarehe 03/04/2013 uliandika mada iliyokwenda kwa jina la MAHAKAMA YA KADHI NA UZANDIKI WA WANASIA UCHARA.Kuna hoja kadha ambazo ulijaribu kuzizungumzia katika makala hii kama ifutavyo;

     i)Mahakama ya kadhi na ofisi ya kadhi kugharamiwa na serikali

    ii)Mahakama zetu zimepewa uwezo wa kusikiliza kesi na kuamua kwa haki bila ubaguzi

   iii)Kuruhusiwa kwa misingi ya kidinikatika jamiiya kawaida hupelekea mifarakano na mitafaruku inayoweza kutishia ustawi            wa jamii.

   iv)Madai ya kidini huwa na ajenda ya siriukafananisha na chui ndani ya ngozi ya kondoo na ukatoa mafano yale yaliyotokea          Algeria na India.

  v)Je taasisi hiyo haitaenda kudai mfumo mpya wa kidini kuhusu elimu,sayansi, technolojia,mabenki,bima na uhusiano wa              kimataifa ili kukidhi matakwa ya sehemu moja ya jamii kwa misingi ya dini?

                       Kimsingi yapo mengi uliyoyazungumzia kwenye makala yako na kuyatolea ufafanuzi lakini hayo ni machache mbayo nimeona kuyatolea maelezo ili nijaribu kukufanulia na pengine utaweza kunielewa na kupata ufahamu mpana juu ya mahakama ya kadhi.Vilevile uweze kuandika vizuri juu ya hili kwa mustakabali wa taifa na watu wake.

Kwahiyo kila namba ya hoja hapo juu itawakilishwa na maelezo ya namba hiyohiyo hapa chini;

    

       i)Kuhusu serikali kugharamia shughuli za kadhi na ofisi yake-Ni kwamba serikali kugharamia shughuli za kidini hapa nchini si mara ya kwanza wala si jambo la kushangaza ila inawezekana likawa la ajabu na la kushangaza kwa WAISLAMU,Kwasababu ni aghalabu sana kwa serikali kufanya hivyo.Unakumbuka mwaka 1992 serikali ilipo iingia mkataba na taasisi za kidini yaani TEC na CCT?Mkataba uliokenda kwa jina la MEMORANDUM OF UNDERSTANDING (MOU). Katika mkataba huo serikali inawajibika kugharamia huduma za jamii za WAIKRISTO kama vile shule za seminary na hopsitali za waikristo.Gharama zinazotolewa na serikali ni za mishahara kwa wafanya kazi, marekebisho ya taasisi hizo na mambo mengine yote ambayo yanahitajika gharama ya fedha .

         Kwahiyo kuhusu gharama ya uendeshaji wa ofisi ya kadhi ni wajibu wa serikali na si swala  la ajabu hapa nchini kwetu.

      ii)Kuhusu uwezo wa mahakama za serikali kusikiliza kesi na kuamua kwa haki bila ya ubaguzi-ni kweli kwamba mahakama zetu zimepewa uwezo wa kusikiliza kesi na kuamua kwa haki lakini nadhani umeshindwa kuelewa vizuri kuhusu mahakama ya kadhi , yenyewe inashughulika ndoa,talaka,mirathi na mahusiano baina ya waislamu wala haingilii watu wasiokua waislamu na haihusiki na kesi zilizonje ya hizo.

         Hivyo basi kwakua serikali inaruhusu watu wake kufunga ndoa kufuatana na misingi ya dini zao basi haina budi kuwaachia raia wake uhuru wa kuendesha taratibu za ndoa zao kufuatana na misingi ya dini yao, kwasababu haiezekani ndoa ifungwe msikitini chini ya Shekhe alafu matatizo yanayohusu ndoa yakitokea yakashughulikiwe kwenye Mahakama za serikali ,badala yake matatizo yote yanayohusiana na ndoa,talaka na mirathi kwa waislamu yashughulikiwe na Kadhi.

         Zipo baadhi ya nchi ambazo zina mahakama za serikali na zina uwezo wa kuendesha na kusikiliza kesi na nyengine zina idadi ndogo za waislamu lakini bado zimewapa waislamu uhuru wa kuwa na mahakama ya kadhi, Kwamfano;

    *Kenya katika katiba yao ibara ya 66(3) wanaruhusu mahakama ya kadhi

    *Uganada ambayo ina 12% ya waislamu lakini katika katiba yao ibara ya 129 inaruhusu mahakama ya kadhi

    *Gambia katika katiba yao ya pili (1997) ibara ya 120(b) inaruhusu mahakama ya kadhi

    *Nigeria katika katiba yao(Federal republic of Nigeria 1999) ibara ya 262(2) na 277 inaruhusu kadhi

        Sasa hizo ni baadhi ya nchi za kiafrika ambazo pamoja na ubora wa mahakama zake lakini zimewapa uhuru waislamu wa kufuta sheria zake katika maswala ya ndoa,talaka, na mirathi .Itakua Tanzani ambayo mahakama zetu zina mlundikano wa kesi na maamuzi yasiyosthili yanayowafanya watu wasionacho ndio wahukumiwe kwa kukosa lakini mafisadi wanaoiba mabilion ya ya fedha kuishia mtaani kwa kushinda kesi je ni kweli mahakama zetu zina uwezo wa kuendesha kesi?

    

    iii)Kuhusu mifarakano na mitafaruku inayotokana na kuanzishwa kwa misingi ya kidini -Ni kwamba matatizo hayo hayatokani tu kutokana na kuanzishwa na kwa mahakama ya kadhi bali hutokana na matatizo mengi yanayowakabili wananchi katika jamii zetu kwamfano halingumu ya maisha,matabaka kati ya walionacho na wasionacho,ukosefu wa ajira na mengine mengi,ndiyo yanayochochea wananchi kupamabana na tabaka tawala.

Lakini pia viongozi wa dini husababisha mifarakano katika jamii na mauaji kwa mfano ;Mauji ya kimbari nchini Rwanda ,waliokamatwa kwa kiasi kikubwa ni Maaskofu na wachungaji ambao ndio wachochezi wa kuu wa mauaji hayo.Walikua wakitangaza makanisani kuwa wanaostahili kuongoza ni WATUSI na si WAHUTU,hali hiyo ilipelekea wahutu wakikimbilia makanisani kuuwawa na hivyo hukimbilia Misikitini kama sehemu yao ya amani.

        Vilevile umezungumzia kuhusu vita vya BIAFRA vya mwaka 1967,lakini kumbuka si tu mifarakano ya kidini ndio yaliyopelekea vita hivyo bali hata kauli za baadhi ya viongozi wa Afrika zilizokua zikichochea Kujitenga kwa taifa hilo zilipelekea vita hivyo kwamfano;Mwl. Nyerere alikuwa akichochea kujitenga kwa taifa hilo.Haya yalisemwa na Jenerali Ulimwengu katika kipindi cha Malumbano ya hoja.

    iv)Kuhusu madai ya kidini kuwa na ajenda ya siri-Ni kwamba katika madai haya ya mahakama ya kadhi sisi waislamu wa Tanzania sio wa kwanza kudai bali zipo nchi nyingi ambazo zilianza kudai na kufanikisha kupata mahitaji hayo kama nilivyo kuonsha hapo juu.Na katika nchi za jirani yani Kenya na Uganda huu mfumo wa mahakama wanao na ni zaidi ya miaka 15 na haijawahi kutokea hata siku moja vurugu zilizosababishwa na uanzishwaji wa mahakama hiyo na wala ajenda yoyote ya siri ambayo imeziathiri nchi hiyo kutokana na mahakama ya kadhi. na badala yake ni amani na utulivu katika uendeshaji wa mahakama hiyo.

       Kwa hiyo sisi waislmu wa Tanzania hatuna ajenda yayate ya siri kwa serikali wala taifa hili juu ya uanzishwaji wa mahakama ya kadhi ,isipokua tunataka haki yetu ya msingi katika mirathi ,ndoa na talaka.Mbona Tanzani ni miongoni mwa nchi mbili barani Afrika ambazo zina ubalozi wa Vatikan ?

Lakini nchi nyingi za kiafrika hazina ubalozi huo na waislamu wa nchi hii hatujalalamika kuwa uwepo wake ni ajenda ya siri ya KANISA KATOLIKI?

   

    v)Hatuna haja ya kwenda kudai mfumo mpya wa kidini kuhusu elimu,sayansi,teknolojia na mengine ambayo umeyasema kwa sababu;

      ELIMU-Tunazo shule zetu za msingi na za sekondari ambazo zinatoa elimu kulingana na mfumo wa kiislamu,sio nyingi kama za kwenu lakini hizohizo chache tunazo kwa mfano;Shule ya sekondari ya kiislamu Ubungo,Shule ya sekondari ya kiislamu Kirinjiko,Luqmani,Ridhwaa,Kinondnoni,ununio pamoja na nyengine nyingi.Vile vile tunacho Chuo Kikuu Cha Waislamu Morogoro ambacho kinatoa elimu kwa misingi ya kiislamu,vyote ni vyombo muhimu  katika kutoa elimu kwa vijana wetu kwa mfumo wa kiislamu,pia zipo taasisi nyingi za elimu ambazo zinashughulika na mfumo wa elimu ya kiislamu na elimu ya kawaida.

      MABENKI NA BIMA-Pia tunazo taasisi zetu za fedha ambazo zinatoa huduma kwa misingi ya kiislamu.Kwamfano;

Amana Bank pamoja na benki nyengine za kawaida ambazo zina mfumo wa kiislamu katika baadhi ya huduma zake kwa mfano;Stanbik Bank na Natinal microfiance Bank(NMB).

      SAYANSI NA TEKNOLOJIA-Pia tuna taasisi za teknolojia kama Redio za kislamu mfano;Radio Imani,Kheri,Sauti ya kuran na Tv Imani pamoja na nyengine nyingi zinazochangia kwa kiasi kikubwa katika kuwaelimisha waislamu.Zipo pia Hospitali kama nile Aljumaa Hospital ya Daresalama(Karoakoo)na Ahmaddiya Hospital ya Morogoro na nyengine zikuzitaja ambazo hutoa huduma ya afya kwa waislamu na wasiokua waislamu kwa taratibu na mfumo wa dini yetu

      Katika mwezi wa 03 mwaka huu ,Raisi wa jamhuri ya muungano wa Tanzania Mh.Dr. Jakaya Mrisho Kikwete alifanya ziara katika Chuo Kikuu Cha Waislamu Morogoro ambapo alifungua jengo la sayansi na ujenzi wa jengo jipya la Teknolojia ya habari (ICT) ambalo litakapokamilika litashughulikia utoaji wa teknolojia ya habari kwa waislamu hapa nchini.

                Hivyo hatuna sababu ya kiuanzisha mfumo mpya kuhusu hizo sekta ulizozitaja isipokua tunachangamoto ya kuziendeleza ili tuweze kukabiliana na changamoto za waislamu katika nchi hii pamoja na kutopata msaada kutoka serikaini lakini taratibu ishallah tutafika tunapodhamiria kufika.

Tulichokikosa sisi waislamu wa nchi ni uhuru wa kushughulikia wenyewe kesi zetu zinazohusu ndoa,talaka na mirathi kwa misingi ya uislamu.

                                 

                                Hivyo mi nadhani ungetumia muda wako mwingi katika kuyazungumzia matatizo ambayo watanzania yanawapata katika nchi hii.Kama vile unongozi mbaya,rushwa,maradhi,umasikini uliokithiri,ubovu wa miundombinu yetu,tatizo la ajira,huduma mbovu za afya na kufeli kwa wanafunzi wetu.Na mengineyo mengi amabyo ungewagusa watanzania moja kwa moja ,na sio kuanza kuponda mahitaji ya dini za wenzio kwani yatakupelekea kudharaulika na watu na kuonekana kama mchochezi wa vurugu za vurugu za kidini kwasababu tayari swala la mahakama ya kadhi lishakubaliwa na serikali  kwani ni sehemu ya utekelezaji wa ilani ya chama cha mapinduzi ,na lipo katika hatua ya awali ya utekelezaji.

 

                                                           

                                                             

Read More

Katiba izingatie maisha halisi ya mtanzania

           Hivi karibuni kumekua na mjadala mzito katika taifa letu unaohusu mchakato wa katiba mpya, sasa kinachoendelea ni uchaguzi wa mabaraza ya kata na wilaya lakini swalhivia la kumshukuru Mungu ni kwamba mchakato unaendelea vizuri japokua kasoro kadhaa zimeanza kujitokeza na hii ni kwa sababu penye jambo la watu wengi hapakosi kupishana juu ya mitazamo,siasa,itikadi na hata falsafa.
           Katika makala hii ninachotaka kuwakumbusha ndugu zangu watanzania ni kuhusu mambo ya msingi ambayo mimi nadhani yanasahaulika katika mchakato huu,watanzania tumekua tukibeba hoja za wanasiasa na kuzifanya za kitaifa kwamfano; kupunguza mamlaka ya Rais na kuwa na tume huru, hizi ni hoja ambazo mi nadhani wakuzisimamia ni wanasiasa wenyewe lakini sisi ndio tunaozisimamia kidete.
          Katiba ieleze masikini ambaye hana kipato atapataje huduma zake za msingi kama chakula,malazi na mavazi lakini sisi tumekalia kupunguzwa madaraka ya raisi alafu?Raisi awe yoyote laikini katiba izingatie maisha ya mtanzania wa kawaida na sio tu tume huru ya uchaguzi
          Huu ni mtazamo wangu naruhusu maoni kwa wanaotaka kuchangia,kupinga au kukubali nilichokizungumza.

Read More

Kuhusu bajeti ya serikali ya Tanzania

Tunahitaji bunge la bajeti lijadili hoja na kuzipitisha kwa kufuatana na mahitaji ya wa Tanzania ya leo.

Read More